E máis presentacións, en balonmán o Frigoríficos do Morrazo presentou a Nacho Salgado.

"Moyano foi un dos factores principais, é o adestrador que me ensinou xogar ao balonmán e a cidade foi outro factor importante porque viven o balonmán con moita emoción", declarou Salgado.

Acaba de chegar a Cangas logo de ser hai tres días medalla de bronce coa selección española xuvenil no Europeo de Croacia.

"Era hora xa de aprender da máxima categoría", concluíu a nova fichaxe.

Central de 18 anos con moita marxe de mellora, sobre todo física. Aposta de futuro do club. A temporada pasada xogou na categoría de prata co Ikasa de Madrid, exequipo do actual adestrador do Frigoríficos do Morrazo.