CRTVG

Buscar

Nace a Fundación Arume para a recuperación do piñeiro

Publicado o 04/07/2019 14:59

Máis de 50 entidades de toda a cadea de valor da madeira presentaron en Boqueixón a Fundación Arume. Nace para promover a recuperación do piñeiro. De feito, quere rexistrar a marca Pino de Galicia, avalada por unhas esixencias de calidade, para darlle unha maior visibilidade internacional.

Propietarios forestais, viveiristas, empresas de servizos, industria da madeira e o colectivo dos arquitectos forman parte da Fundación Arume. Únense para intentar asentar a bioeconomía forestal en Galicia. Apostan por un modelo sustentable a prol da recuperación do piñeiro.

José Carballo- Presidente da Fundación Arume: "Equiparar Galicia á corrente internacional da bioeconomía. Producir bens e servizos con materias sustentables"

É un material cada vez máis demandado na contrución e, salientan, con moito valor ambiental.

María Sánchez- Arquitecta. "Aos arquitectos que deseñamos edificios en alturas e demais gustaríanos poder utilizar madeira local, de aquí, quilómetro cero"

Ana Busto- Serrerías Rodríguez: "Queremos entrar en novos nichos de mercado, na construción sostible e a bioeconomía, e facer máis atractivo o sector para reter o talento"

Pensan que a promoción do piñeiro precisa dun maior investimento na mellora xenética que acurte os tempos de rotación.

Francisco Dans- Vicepresidente da Fundación Arume: "Os períodos de rotación entre que plantamos e cortamos unha árbore eran de 30 ou 35 anos e o obxectivo desta fundación son 20"

Piden mellorar a formación neste sector e propoñen rexistrar a marca Pino de Galicia que avale as esixencias de calidade.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

04/07/2019