O afundimento económico provocado pola crise da covid-19 tradúcese na perda de case catro millóns de empregos na Unión Europea nun só ano. Segundo os datos do cuarto trimestre de 2020 publicados por Eurostat, máis de tres cuartas partes dos postos perdidos corresponden á zona euro e ata un 23 % a España.

De acordo coa axencia estatística europea, en comparación co cuarto trimestre de 2019, o emprego en España retrocedeu en algo máis de 900.000 persoas ocupadas, o 30 % do emprego perdido na eurozona.