Unha veciña de Monforte morreu ao caer pola ventá da súa vivenda, situada nun cuarto andar. A muller, duns oitenta anos, vivía soa no piso e ata o de agora non se puideron determinar as circunstancias en que que se produciu o suceso.

Os veciños do inmoble, na rúa Celso Emilio Ferreiro, alertaron os servizos de emerxencias a primeira hora da tarde do luns, cando descubriron o corpo da finada sobre o patio de luces.