Morre un obreiro nun accidente laboral no polígono industrial de Coirós
Publicado o 16/11/2019 10:36
Un home morreu nun accidente laboral ocorrido no polígono industrial de Coirós. A vítima sufriu unha descarga ao entrar en contacto con cables de alta tensión. Ocorreu no interior dunha nave. O traballador manexaba unha carretilla elevadora sen darse conta de que tocaba co casco uns cables eléctricos. Os servizos sanitarios trataron de reanimalo, pero non puideron facer nada.