Esta mañá morreu aos 58 anos de idade Santiago Caneiro Aneiros, mestre gaiteiro e referente da música tradicional. 

Loitou incansablemente na defensa da música e da cultura do país. Foi pioneiro na recollida de folclore polas aldeas, fundou as escolas de músicas de Narón e foi presidente da Asociación de Gaiteiros Galegos durante dúas décadas. Levaba máis de dez anos retirado do mundo da música a causa dunha enfermidade.