O exdirixente de Podemos Juan Carlos Monedero pasou hoxe polos xulgados. Denunciouno Vox por un suposto delito contra o honor, tras difundir un vídeo en que vincula a formación de Abascal con crimes como os cometidos polos nazis.

Ante os medios de comunicación e ás portas dos xulgados da praza de Castilla (Madrid), o cofundador de Podemos volveu ratificarse nas súas afirmacións e asegurou que con este tipo de querelas, Vox só busca "silenciar".