Pechado está aínda este paso fronteirizo entre Salvaterra e Monção, que abrirá para os traballadores de oito da mañá a dez da noite, un horario moi limitado para moitas empresas que comezan a traballar xa de madrugada e rematan ben entrada a noite.

Vilas coma esta e a súa veciña portuguesa están a perder moitos cartos, xa que viven do comercio transfronteirizo, do turismo e de moitas actividades que ata esta crise sanitaria se desenvolvían a ambos os dous lados da raia coma se fose un territorio común.

Ademais do paso de Salvaterra mañá tamén abrirán para os traballadores o de Goián, en Tomiño, e o que une Arbo con Melgaço.