CRTVG

Buscar

Minuto de silencio en Cortes (Málaga) pola última vítima da violencia machista

Publicado o 18/07/2019 15:16

O Concello malagueño de Cortes de la Frontera decretou tres días de loito oficial pola morte dunha veciña a mans, supostamente, do seu home, un militar retirado que despois se suicidou.

O agresor disparoulle cun rifle á súa parella no domicilio familiar e en presenza da irmá da vítima.

Os veciños da localidade malagueña de Cortes de la Frontera gardaron este mediodía un minuto de silencio en memoria de Elena, a veciña asasinada este mércores, supostamente, polo seu home.
O Concello decretou tres días de loito oficial e as bandeiras dos edificios públicos ondean a media hasta.

Segundo fontes próximas á investigación, o home, de 67 anos e militar retirado, disparou contra a súa muller, de 47, cun rifle.

O crime ocorreu na terraza da casa que ambos compartían e en presenza dunha irmá da vítima.
Despois, o agresor saíu da vivenda e disparouse un tiro diante da casa da súa primeira esposa, coa que tiña 2 fillos.

A Subdelegación do Goberno en Málaga confirmou que non existían denuncias previas por malos tratos entre a parella.

Á espera da confirmación oficial, con esta nova vítima sería 32 as mulleres asasinadas pola súas parellas ou ex-parellas no que vai de ano en España.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

18/07/2019