O barrio de San Pedro en Santiago de Compostela é para Miguel un barrio moi particular. Viviu nel as andanzas de universitario e, malia ser da Coruña, quedou nel a vivir e xa leva máis tempo nel ca no seu barrio coruñés natal.  Como non vai ser o seu curruncho? Medrou con este barrio medieval extramuros que logrou rexurdir das súas cinzas como o Ave Fénix. E como xeógrafo que é, Miguel fálanos da súa topofilia por este lugar.