O sector da hostalería quere dar un paso máis na desescalda igualando o horario dos mesóns, bares e taperías ao dos restaurantes. A idea é que todos poidan servir ceas ata a 1 da mañá.

Ademais os hostaleiros cren que os locais con medidores de CO2 poderían ampliar a ocupación.

Cesáreo Pardal, presidente do Clúster do Turismo de Galicia, di que os que teñen permitido un 30 % de capacidade no interior poderían parsar a un 60 % ou 75 % e os que teñen un 50 % a un 90 %. 

A Xunta vai completar este mes o pago dos 110 millóns de euros que destinou aos sectores da hostalería e turismo dende que se iniciou a pandemia.

 Alfonso Rueda, vicepresidente primeiro da Xunta, di que isto sitúa a Galicia "nunha situación punteira no conxunto do Estado". 

O sector do turismo tamén quere que os guías poidan atender grupos de ata 15 persoas. Os expertos do comité clínico van ser os que dean ou non o visto e prace a todas as propostas.