A chanceler alemá, Angela Merkel, atribuíu a unha deshidratación provocada pola calor os tremores que sufriu durante o recibimento oficial do presidente de Ucraína, de visita no país.

As imaxes de Merkel agarrando repetidamente as mans para tratar de parar os tremores desatou de inmediato especulacións sobre o seu estado de saúde. Na conferencia de prensa posterior á súa reunión co presidente ucraíno, Merkel dixo que despois de beber tres vasos de auga xa se sentía ben e xustificou o ocorrido polas elevadas temperaturas que se rexistran en Berlín.