A cifra de falecidos durante a pandemia en Galicia mantense en 2.426 persoas, xa que Sanidade non rexistrou novas mortes nas últimas horas.

A curva do coronavirus sitúase nunha certa estabilidade durante a fin de semana. Caen este domingo os contaxios diarios detectados nas diferentes probas, 69, 37 menos que o venres. Tamén se reducen as infeccións, con 1.851 persoas co virus, 94 menos que a xornada anterior. 

A presión asistencial estabilízase e son 84 os pacientes que precisan atención hospitalaria, os mesmos que o venres. Aínda que se produce un aumento de dous enfermos máis que ingresan nas UCI, co que son 15, pero hai dous menos en planta, 69.

A cifra de falecidos durante a pandemia en Galicia mantense en 2.426 persoas, xa que Sanidade non rexistrou novas mortes nas últimas horas.

Situación por áreas sanitarias

A caída de infeccións rexístrase esta xornada en todas as áreas sanitarias, e Vigo baixa das 500.  A presión asistencial estabilízase sen apenas variacións e Ourense segue a ter libres de enfermos de coronavirus as UCI.

Os positivos detectados nas diferentes probas realizadas baixan de xeito máis acusado en Vigo.

A Coruña: 333

Ferrol: 96

Lugo: 240

Ourense: 158

Pontevedra: 212

Santiago: 324

Vigo: 488