Ao mal tempo...boa cara e bo ambiente. Así respiran nos adestramentos do Lugo malia levar tres xornadas sen gañar. O calendario non dá tregua. Mañá ás nove e media xa hai outro partido pero Nafti non chora por nada.

Nafti: "Non vou chorar polo calendario"

Tampouco haberá bágoas polas ausencias: faltarán Carlos Pita, Xavi Torres e Roberto Canella.

Nafti: "Non son de chorar polas lesións"

Tralo amargo empate en Málaga, o Lugo volve xogar no Anxo Carro. Agora, sen público, o factor campo conta pouco ou nada. Para Nafti nunca contou.

Nafti: "Sen público dá igual xogar na casa ou fóra"


Pois o rival, As Palmas, só gaña no seu estadio. De momento, non ten vitorias como visitante.