Mehdi Nafti mostrouse contrariado pola derrota sufrida no Caros Tartiere: "Que o rival che faga tres goles sen facerche ocasións de gol é duro. O que dicían que eles pecaban fixérono ben hoxe, outro penalti, unha falta lateral. Estou enfadado porque non me parece o resultado adecuado co que vin no terreo de xogo", explicou.

Nafti non quixo escusarse, pero unha vez máis continuaba sinalando os motivos polos que non conseguiu os tres puntos, ou polo menos un empate.