Comezou en Vigo a Feira do Libro, o segundo evento destas características que se celebra este ano en España, condicionados pola pandemia do coronavirus.

Ata o 4 de xullo, medio cento de escritores achegarán o seu traballo ao público e asinarán exemplares dos seus libros. Será nas oito casetas instaladas na rúa do Príncipe, na contorna do Museo Marco.

Este ano non están programadas actividades paralelas e haberá que respectar todas as medidas de prevención para garantir a seguridade dos asistentes. A feira, que fai 46 anos de historia, celébrase lembrándolles aos lectores que os libros non contaxian, pero enganchan.