A partir do próximo ano, calquera proxecto que afecte o territorio deberá ter en conta os valores paisaxísticos en todas as súas fases.

É unha das novidades das directrices da paisaxe, que hoxe presentou a conselleira de Medio Ambiente. O documento recolle normas de planificación sectorial e urbanística. Como exemplo, os tendidos e redes eléctricas deberán ser subterráneos nos novos proxectos. E buscarase o menor impacto visual de parques eólicos, canteiras e minas. O obxectivo é protexer a paisaxe como un dos valores de Galicia.