CRTVG

Buscar

Médicos voluntarios viaxarán da Coruña ao Senegal con 400 quilos de medicamentos

Publicado o 08/11/2018 21:14

Persoal médico voluntario partirá este sábado da Coruña cara ao Senegal con catrocentos quilos de medicamentos para ofrecer asistencia de balde á xente sen recursos. A iniciativa forma parte dun proxecto da ONG Ecodesarrollo Gaia que conta cunha escola no país africano.

Oito médicas, dúas enfermeiras e dúas farmacéuticas, todas elas voluntarias, sairán este sábado da Coruña rumbo á localidade senegalesa de Yoff-Tonghor. A súa equipaxe son 400 quilos de medicamentos, sobre todo antibióticos e analxésicos, cos que prestarán atención de balde á poboación.

A organización da viaxe corre a cargo da ONG Ecodesarrollo Gaia, que conta cunha escola no barrio de pescadores pobres de Tonghor que se converte así por uns días nunha consulta médica. A ONG leva anos desenvolvendo proxectos de cooperación nesta zona do país africano.

Amais de atención sanitaria, as voluntarias imparten charlas para a promoción da saúde aos lideres locais senegaleses.

 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

08/11/2018