O partido liberal de Mark Rutte gaña as eleccións xerais nos Países Baixos e poderá formar goberno por cuarta vez consecutiva, segundo as sondaxes.

Os liberais obterían 36 escanos, tres máis dos que tiñan actualmente no Parlamento e os mesmos que perde a ultradereita de Geert Wilders, que retrocede ata o terceiro lugar nas preferencias dos holandeses.

A segunda forza máis votada son os progresistas do D66, liderados pola exdiplomática e fervente europeísta Sigrid Kaag, que conseguiría 27 escanos.