No eido municipal, a lista da Marea Atlántica deixará fóra a Rocío Fraga, actual edil de Igualdade e Seguridade Cidadá na Coruña. Rocío é a cuarta concelleira do goberno de Xulio Ferreiro que non optará á reelección en maio. Lembren que tamén anunciaron que non concorrerán na candidatura os concelleiros de Cultura, de Facenda e de Mobilidade. O alcalde da Coruña negou calquera inxerencia na decisión dos edís. Mañá coñeceranse os nome das persoas que integrarán a lista da Marea Atlántica para a alcaldía coruñesa.