Sanidade mantén as medidas vixentes na Coruña, que xunto con Arteixo, Cambre e Culleredo seguen en nivel medio de restricións. Mantense o peche perimetral e a limitación do horario e a acollida na hostalería, malia a boa evolución dos datos de incidencia a 14 días. A directora xeral de Saúde, Carmen Durán, explica que "a incidencia descendeu ata os 125 casos por cen mil habitantes". 

Aínda que hai quen prefire non relaxar as medidas. "Mellor seguir un pouco máis para non retroceder", di un señor. 

Onde si cambia a situación é na área de Ferrol. Narón pasa a estar na mesma situación que Ferrol, "é dicir, en nivel medio alto de restricións", explica Julio García Comesaña, conselleiro de Sanidade.

O que supón neses concellos: o peche perimetral, a hostalería aberta ata as 5, coa acollida no interior ao 30 por cento e ao 50 no exterior, e reunións limitadas a un máximo de 4 persoas. Ademais, quedan baixo vixilancia especial os concellos de Abegondo e Neda e Ordes.