A ocupación hospitalaria mantense estable, pero soben lixeiramente os casos activos
Publicado o 25/10/2021 10:41
• Diminúen os novos contaxios detectados por probas diagnósticas
A semana comeza cunha lixeira subida dos casos activos. En total, hai 419 persoas con coronavirus en Galicia, 4 máis ca o día anterior.
Por outra banda, diminúen os contaxios detectados por probas diagnósticas. Foron detectados 24 novos casos (-10).
Por áreas sanitarias, a repartición de casos activos é a seguinte:
Vigo: 70 (+6)
A Coruña: 130 (-4)
Pontevedra: 51 (+2)
Santiago: 69 (+1)
Ourense: 42 (+1)
Lugo: 33 (+6)
Ferrol: 24 (=)
En canto á ocupación hospitalaria, mantense igual ca no día anterior: hai 25 persoas hospitalizadas, 7 en UCI e 18 en planta. Da mesma maneira, mantense o número de decesos igual ca o día anterior (2.649), ao non notificar ningún falecemento o Sergas.