Os afectados cualifican os argumentos dados por AUDASA de pouco sostibles. Denuncian que pagaron por un servizo que non se estaba cumprindo. Nese período en que duraron as obras, dende o ano 2015 e ata o ano 2018, non só sufriron atrasos, senón que din que tampouco se garantiu a seguridade dos usuarios.

Por iso, a asociación En-Colectivo xa aglutina 200 afectados que se van sumar á demanda interposta pola Fiscalía. De feito, todos aquelas persoas que se consideren prexudicadas poden unirse a esta reclamación.

Pendentes desa setenza están tamén un total de 80 empresas de En-Colectivo e os membros de ASETRAMSPO, os transportistas da provincia de Pontevedra. Todos estes afectados tamén denunciarán a devolución como mínimo das peaxes.

Aseguran que, por primeira vez en España, a Fiscalía está presente nunha demanda colectiva para reclamarlle a AUDASA o beneficio dos consumidores. Será a xustiza quen teña a última palabra.