Os últimos datos de coronavirus en Galicia, ofrecidos na mañá do sábado 9 de maio, sitúan en 2.758 persoas as afectadas pola COVID-19 na comunidade. Deles, 2.551 están en seguimento nos seus domicilios, 24 en UCI e 183 en unidades de hospitalización.

Por áreas sanitarias, a de Vigo é onde se da un maior número de infectados, con 754, seguida da Coruña con 650, Santiago con 500 pacientes, Ourense onde se rexistran 426 positivos, 166 en Lugo, 147 na área de Pontevedra e 115 na de Ferrol.

A cifra de finados é de 592 persoas e o número de PCR realizadas é de 113.167 e xa hai 7.225 persoas curadas.