CRTVG

Buscar

A campaña das rebaixas vai xerar máis de cinco mil contratos novos en Galicia

Publicado o 03/01/2019 21:14

Nos negocios do Ensanche compostelán comezan a verse xa os carteis das rebaixas. É unha imaxe que se repite en toda Galicia e que terá unha importante repercusión nas contratacións. Iso din dende as principais axencias de colocación, que falan de cifras que van dende os 5.600 novos empregos dos que fala a axencia Adecco ata os 9.700 que sinala Randstad. En todo caso, os datos son superiores aos do ano pasado, entre un 4 e un 7,6 por cento máis, segundo a axencia que se consulte.

O sector do comercio é un dos que máis contrata para esta campaña, sobre todo as grandes cadeas comerciais, porque para o pequeno comercio a realidade é outra.

É que o cambio nos hábitos de consumo nótase tamén nesta campaña. De feito, ademais do comercio, os sectores nos que se asinan máis contratos nesta época son o do transporte e o da loxística, debido ao auxe das compras por Internet.

Noticias web

03/01/2019