O número de traballadoras e traballadores pendentes das solicitudes de ERTE en Galicia xa supera os 140.000, pertencentes a máis de 26.500 empresas, segundo datos da Xunta.

Este procedemento para suspender de forma temporal os contratos de traballo ou para reducir a xornadas laboral a causa do estado de alarma foi solicitado por 9.057 empresas da provincia de Pontevedra para un total de 56.438 afectados. Esta provincia e a da Coruña, con 46.585 traballadores afectados de 10.121 firmas, son as que concentran o maior número de solicitudes.

Séguena a de Ourense, con 13.012 empregados de 3.283 empresas, e a de Lugo, con 11.257 traballadores de 3.239 sociedades.

Hai, ademais, outros 12.951 empregados de 779 empresas de ámbito autonómico, o que suma un total de 140.243 traballadores pendentes dun ERTE.