Conmoción en Francia tras facérense públicas as conclusións da comisión que investigou os abusos sexuais na Igrexa católica.

O informe conclúe que uns 216.000 menores sufriron algunha clase de abuso entre os anos 1950 e 2020. O documento revela que os abusos tiveron un carácter sistemático e asegura que se produciron diante da cruel indiferenza da Igrexa.

O papa Francisco expresou a súa dor polas vítimas nada máis coñecérense as conclusións desta investigación, levada a cabo a pedimento da propia Conferencia Episcopal Francesa.