Ata o de agora descargáronse neste peirao máis de 20.000 quilos de bonito, que alcanzou un prezo medio de 6,50 euros por quilo.

Son os primeiros datos desta campaña e a Asociación de Armadores de Burela di que aínda é moi cedo para aventurar como vai resultar esta costeira. O ano pasado poxáronse nesta lonxa máis dun millón cento quince mil quilos, que se traduciron en case catro millóns setecentos mil euros. Agora agardan que a costeira non remate precipitadamente, como ocorreu o ano pasado tras completarse a cota no mes de agosto.