Europa trata de frear o avance da nova vaga de coronavirus con medidas como a vacinación obrigatoria do persoal sanitario ou o requisito do certificado de vacinación anticovid−19 para acceder a espazos pechados e de ocio.

Estes, canda unha maior restrición na mobilidade, son os recursos utilizados polos países europeos para afrontar agora a situación.

As autoridades comunitarias informaron este martes de que está vacinada contra a covid−19 máis da metade da poboación adulta da Unión Europea.