CRTVG

Buscar

As comunidades de Madrid e Castela-A Mancha, anegadas a causa dos temporais

Publicado o 16/09/2019 13:04

A gota fría cebouse onte no sueste da Comunidade de Madrid, que hoxe reforza o seu dispositivo contra a chuvia, con máis efectivos para garantir a entrada á cidade nas horas punta.

Onte foi a localidade de Arganda de Rey a máis afectada polas treboadas. A intensidade das precipitacións acabou por facer colapsar a rede de sumidoiros por segunda vez en quince días. A localidade madrileña, que hai só dúas semanas sufrira unha sarabiada histórica, volveu ver como colapsaba a rede de sumidoiros.

A DANA, a depresión illada en niveis altos, empeza hoxe a remitir, pero os seus efectos tardarán semanas en paliarse. Hoxe toca limpar lama, volver a limpar cañerías e sumidoiros e cuantificar todo o que a treboada deixou inservible.

442 avisos e máis de 200 intervencións xestionou o 112 de Madrid. En Arganda, pero tamén en Nuevo Batzán, Villar del Olmo, Campo Real e Daganzo. Houbo rescates con lanchas, e problemas de tráfico en dúas autovías. Tamén colapsou a liña 9 do metro, pero afortundamente non houbo danos persoais.

Hoxe, Concello e comunidade espertan cun plan especial de vixilancia do tráfico que pretende evitar colapso na circulación en horas punta.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

16/09/2019