Os presidentes de Francia e dos EUA Emmanuel Macron e Joe Biden acordaron reunirse o próximo mes de outubro para desactivar a denominada crise dos submarinos australianos.

Macron anunciou o regreso do embaixador francés en Washington logo da conversa telefónica que mantiveron ambos os dous dirixentes. Biden viaxará de novo a Europa logo de admitir que debeu informar a Macron do acordo con Australia que privou a Francia dun contrato multimillonario de venda de submarinos.