CRTVG

Buscar

Galicia Noticias Mediodía

Macromuiñeira nun colexio da Coruña polo Día das Letras Galegas

Publicado o 16/05/2018 14:37

Na véspera do Día das Letras, os alumnos de primaria do colexio das Franciscanas da Coruña quixeron renderlle a súa homenaxe particular ao galego cunha macromuñeira en que participaron 450 escolares.

Ao acto sumouse tamén unha convidada de excepción como é Susana Seivana, que foi a encargada de poñer a música a esta celebración.

Están nerviosos, e non é para menos. 450 alumnos de primaria do colexio das Franciscanas da Coruña prepáranse para bailar unha macromuiñeira. Eles poñen o baile, a música corre da man de Susana Seivane, convidada de excepción a esta celebración.

Con baile, música, e poemas... así é como estes escolares lle renden homenaxe á nosa lingua, na véspera do Día das Letras. Tamén con flores que eles mesmos elaboraron conseguiron facer esta gran bandeira.

E para rematar, o himno galego acompañado da gaita de Susana Seivane.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí