O voceiro de En Marea, Luís Villares, exerceu o seu dereito ao voto esta mañá en Lugo, onde fixo un chamamento a participar por estaren "en xogo" as liberdades e os dereitos. "Están en xogo as liberdades públicas, a xustiza social, a defensa dos intereses de Galicia. Aínda que haxa persoas que pasen da política, a política non pasa dun", declarou. 

Villares asegurou que "este é o momento decisivo para ampliar liberdades, ampliar o estado de benestar e defender mellor os nosos intereses".