Alugar un cuarto de estudante nun piso compartido é moito mais barato na cidade de Lugo, onde o prezo medio roza os 170 euros.

"500 en total, que son 125 por persoa, e despois os gastos, pero nunca chega aos 200". "Eu agora mesmo pago 170 euros ao mes e comparado con outras cidades si que é barata", contan os estudantes.

Os prezos en Lugo están 100 euros por debaixo do prezo medio de España, que roza os 268 euros por cuarto.

"Eu son de Sevilla e pola experiencia doutras compañeiras alí é máis caro o alugueiro". "Eu son de Santiago e coñezo xente que paga máis ca min ou paga o mesmo, pero con menos servizos. Eu tamén mirei para ir a Barcelona e mirando os prezos había unha diferenza descomunal", din os estudantes.

Con todo, o problema en Lugo é a alta demanda e a escasa oferta de pisos de alugueiro, o que xera dificultades na busca e mesmo listas de espera nas inmobiliarias.

"Nós tiñamos unhas listas de 20, 30, 40 persoas buscando pisos de todo tipo pola zona do campus", sinala Asier Barja, asesor inmobiliario na cidade de Lugo.

O perfil dos que comparten piso é maioritariamente o de mozos de entre 18 e 25 anos.