Hoxe houbo longuísimas ringleiras, e mesmo atascos de tráfico, nos accesos aos puntos de vacinación masiva en Vigo, A Coruña e Santiago. Cifra récord de convocados, no día en que, ademais, soubemos que xa hai medio millón de galegos inmunizados contra a covid.

Moitos queren chegar antes da hora e iso, din, é o que orixina as ringleiras. En todo caso, con ou sen ringleiras, hai un dato que destaca: é que hoxe mesmo chegamos ao medio millón de galegos vacinados xa coa pauta completa. Nesta semana administraranse en Galicia máis de cento oitenta mil doses das distintas vacinas.