A Policía Nacional detivo dez persoas que controlaban tres locais de prostitución en Alacante. As vítimas eran obrigadas a prostituírse e a pagar o 50% do que recibían en concepto de alugueiro e, do resto, a metade era para saldar a débeda contraída ademais de gastos.

A operación, iniciada durante o estado de alarma, logrou a liberación de nove vítimas, de nacionalidade colombiana e venezolana, retidas contra a súa vontade nun local que tiña licenza de hotel. Vivían confinadas nun cuarto e debían estar dispoñibles as 24 horas do día mesmo estando enfermas. Os seus captadores ameazaban as mulleres dicíndolles que eran gravadas en todo momento e que se non os obedecías as súas familias nos seus países de orixe poderían sufrir as consecuencias.

Os detidos, con idades comprendidas entre os 24 e 41 anos, son de nacionalidade española, colombiana e alxeriana, e quedaron á disposición do Xulgado de Instrución número 5 de Alacante con diversos cargos.