O grupo humorista arxentino Les Luthiers é o novo premio Princesa de Asturias de Comunicación e Humanidades 2017. Unha distinción que aseguran recibir con moita emoción da que consideran a súa outra patria, España. 

Levaban tempo nas quinielas e finalmente o grupo cómico musical arxentino Les Luthiers gañou o Premio Princesa de Asturias de Comunicación e Humanidades 2017. 

O xurado elixiunos entre 28 candidaturas por actuar como un espello crítico da sociedade contemporánea e un dos principais difusores da cultura iberoamericana no mundo.

Esta distinción chégalles xusto cando o sexteto humorístico fai medio século nos escenarios e Les Luthiers din que se senten moi emocionados por recibir este premio da súa segunda patria. 

Con máis de 30 espectáculos ás súas costas, o seu traballo destaca por encandear milleiros de persoas de todas as xeracións polo seu orixinal tratamento da linguaxe e dos instrumentos. 

En outubro recibirán da man do rei Filipe VI a estatua de Joan Miró, símbolo deste premio que os fará entrar para sempre na historia dun dos galardóns máis importantes do mundo despois dos Nobel.