Juan Carlos xogará no Xirona. Confirmouno hai unhas horas o club catalán. O ata agora porteiro do Lugo chega libre e asina polas próximas dúas campañas. Tras dous anos defendendo os paus do club lucense, Juan Carlos inicia novo proxecto nun equipo que acaba de descender e que buscará o regreso á elite do fútbol o antes posible.

"É un pouco o que eu buscaba, un club así, un proxecto ambicioso e cun grande apoio detrás, así que a verdade é que estou moi feliz. Alcancei a madurez na miña carreira, teño experiencia tanto na primeira coma na segunda, bastante partidos tamén e coido que é un momento perfecto para afrontar un reto coma este", apunta o gardameta.