Javi Gomez Noya non sabe como serán os seus próximos meses. Reunir atletas de todo o mundo hoxe en día faíselle imposible.

"O problema é viaxar. Meter cinco mil persoas de todas as partes nunha carreira vese algo distante".

O que ten claro é que vai estar nos Xogos de Toquio coas mesmas posibilidades o ano que vén que se se celebrasen este verán.

"O tempo non corre ao meu favor, pero un ano de diferenza non vai variar o meu rendemento. Coidándome, creo que podo estar ao cen por cento".

Gómez Noya non pensa na súa retirada, aínda que a considera como algo natural.

"Igual que eu retirei a outros, outros vanme retirar a min".

Na casa non ten piscina coma algún colega seu, pero buscou a maneira de adestrarse na auga.

"Fíxenme cunha piscina de nenos. Non é ideal, pero pode traballarse bastante ben a forza".

Esta situación pon a proba mesmo os que están afeitos aos retos máis complicados.