Investigadores israelís conseguen por primeira vez crear un corazón cunha impresora 3D usando as células dun paciente. O órgano ten o tamaño do corazón dun coello, pero a súa estrutura é completa, con vasos sanguíneos, ventrículos e cámaras. E ao fabricarse con tecidos do paciente elimina os riscos de rexeitamento do implante.

O seguinte paso será cultivar estes corazóns no laboratorio e ensinarlles a comportarse como os corazóns normais.