Os investigadores do Centro Tecnolóxico da Carne de Ourense lograron substituír a graxa de orixe animal das hamburguesas de tenreira por aceite de alga, o que fai que sexa un produto moito máis saudable e rico en omega 3. Ademais, grazas ao hidroxel que crearon co aceite de alga, esta hamburguesa conserva o seu sabor e textura.

José Manuel Lorenzo, xefe do equipo de investigación, e Paula Borrajo, catadora e investigadora do Centro Tecnolóxico da Carne, explícannos como o lograron.