A xustiza arxentina rexistrou a sede do Ministerio de Saúde para buscar información sobre o caso da "vacinación VIP", unha trama de vacinación irregular que provocou a imputación do anterior ministro de Saúde.

Políticos, funcionarios, sindicalistas e mesmo familiares e amigos. Un total de 70 personalidades compoñen a listaxe da "vacinacion VIP" na Arxentina, persoas próximas ao poder que tiveron presuntamente acceso privilexiado á vacina contra a covid-19.

O escándalo precipitou a dimisión do ministro de Saúde, Ginés González García, quen ademais foi imputado por tres posibles delitos. Dende México, o presidente Alberto Fernández defendeu a vacinación dalgúns cargos estratéxicos e cargou contra a xustiza.