A cidade polaca de Cracovia conta dende hoxe cunha mouteira que sinaliza o Camiño de Santiago. Está situada fronte á chamada ventá do papa Xoán Paulo II, a máis de 4.000 quilómetros de Compostela.

Ao acto de instalación acudiu o conselleiro de Cultura e Turismo, Román Rodríguez, quen destacou o crecente interese que Polonia ten pola ruta xacobea, xa que é un dos países que achega un maior número de peregrinos.