CRTVG

Buscar

Infesta zona cero das devastadoras treboadas

Publicado o 09/07/2019 16:48


Infesta é hoxe unha localidade arrasada. Galpóns e muros no chan, e viñedos da Denominación de Orixe Monterrei esnaquizados, e hortas que non recollerán nin un só froito e animais que esta mañá aparecían mortos entre a lama.

E é que o río Albarellos rebordou anegando vivendas, garaxes, adegas... e a auga, con pedras e pólas, corría cun metro de profundidade Infesta abaixo levando todo ao seu paso.

Maquinaria da Deputación e veciños, con pas e vasoiras en man, intentan retirar toneladas de cascallos que cortan as rúas e as estradas da aldea.

O concello de Monterrei advirte que non se beba auga da billa, de momento non é potable. Os danos, prevén que cuantosísimos, están por valorar, o primeiro é recuperar a normalidad.

En Infesta, a zona cero das devastadoras treboadas de onte, tardarán en esquecer o medo que din, pasaron.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

09/07/2019