Valentín Formoso presentará este mércores a súa candidatura e xa recibiu os primeiros eloxios. A alcaldesa da Coruña referiuse a Formoso como un candidato solvente. Segue así a liña do alcalde de Santiago, que onte dicía que cría que era un candidato sólido representando a provincia con máis afiliados.

O actual secretario xeral, Gonzalo Caballero, deféndese e di que a decisión está en mans da militancia en non das baronías e vicerreinados en referencia ao seu rival.

Quen non quixo entrar a avaliar a carreira polo liderado do partido foi o alcalde de Vigo, quen hai unhas semanas pechaba filas arredor do secretario xeral ao encabezar a lista ao Congreso Federal pola provincia de Pontevedra.

En Lugo, o presidente da Deputación, José Tomé, sen entrar a avaliar os candidatos dixo que calquera militante ten dereito a optar a un dos cargos orgánicos.