EFE

A Axencia Tributaria, nunha operación conxunta coa Policía Nacional e a Garda Civil, comisou 1.100 quilogramos de cocaína con destino a Vigo nun contedor que se atopaba nunha nave de Valencia. A substancia estupefaciente, procedente de Manta, Guayaquil (O Ecuador), e cuxo destino final era Vigo, estaba escondida cun sofisticado sistema de ocultamento no teito e no chan da estrutura do propio contedor, segundo informaron nun comunicado.

A investigación iniciouse cando os axentes tiveron coñecemento de que unha organización criminal ía recibir en España unha importante partida de cocaína procedente de Manta e que ía entrar por Valencia, aínda que o seu destino final era Vigo. Os axentes confirmaron que o contedor cargado de alimentos conxelados e coa droga no seu interior xa chegara ata o porto de València. Unha vez alí foi trasladado en camión ata unha empresa, onde foi descargado e almacenado nunha zona de contedores. Os axentes interviñeron o contedor e lograron extraer a droga que se atopaba oculta na estrutura do recipiente.