Acaba de inaugurarse no Museo do Pobo Galego, en Compostela, a exposición conmemorativa a Antonio Fraguas Fraguas, a quen se lle dedica este ano o Día das Letras.

A mostra percorre, por unha banda, a vida de Fraguas como galeguista e profesor, e, por outra, as diferentes vertentes en que exerceu o seu traballo intelectual: arqueoloxía, xeografía, historia ou arte.

Á inauguración asistiu o conselleiro de Cultura, Román Rodríguez, que enxalzou o papel do homenaxeado como "home das institucións e dos retos da vida pública".