O ministro de Sanidade lembrou que foron razóns sanitarias as que obrigaron a aprazar as eleccións autonómicas e que a súa celebración en xullo dependerá tamén da evolución da pandemia. Salvador Illa, ministro de Sanidade: "Eu estou seguro que todo o mundo vai actuar con suma prudencia e imos ver se a evolución da epidemia nos permite que nun horizonte próximo se celebren eleccións. Cousa que eu desexaría porque significaría que seguimos neste camiño de vencer a epidemia no noso país".