CRTVG

Buscar

Iglesias constata que hai vontade para solucionar o conflito en Cataluña

Publicado o 27/02/2020 15:12

Sobre o apoio de Esquerra os orzamentos e a mesa de negociación falaron esta mañá no Congreso.
Pablo Iglesias asegura que o Goberno de España ten vontade para solucionar o conflito.

"Tanto o Goberno do Estado coma da Generalitat están mostrando a vontade necesaria para canalizar por vías sensatas un conflito que fixo moito dano ao noso país e a Cataluña", asegurou Iglesias.

Os soberanistas din que están contentos porque se abríu o diálogo sobre todos os temas, incluída a autoderminación de Cataluña.

Tamén falou o PP desta mesa de negociación con Cataluña. O líder dos populares, Pablo Casado, entende que o Goberno se somete á vontade dos independentistas. Urxe a Sánchez a que compareza no Congreso e explique que negocia con Torra. 

Pablo Casado, PP: "Pero se Pedro Sánchez pretende aceptar calquera esixencia independentista á marxe da Constitución e da lei, a cambio do apoio dos orzamentos, é dicir, a cambio da súa respiración asistida para sobrevivir no poder, que o propoña sen máis dilación ao conxunto do pobo español". 

González e Aznar comparten a preocupación

Os ex-presidentes do Goberno Felipe González e José María Aznar reflexionan sobre a situación política española e comparten a súa preocupación pola mesa de diálogo Goberno de España-Generalitat de Cataluña.

Recoñecen que ningún deles o faría. José María Aznar advirte de que a bilateralidade entre o Goberno central e un autonómico colide coa idea da normalidade institucional e advirte das graves consecuencias desa mesa de diálogo sexa cal sexa o resultado da negociación.

González cualificou de performance o que aconteceu no Palacio da Moncloa. Mostrouse aberto ao diálogo, pero advertiu dos límites.

González propuxo que se castigue politicamente a deslealdade institucional, e aí tamén coincidiu con Aznar.

Os xestos da xuntanza

O despregamento de medios disposto na Moncloa era propio dun grande acontecemento. Cada detalle estivo medido ao extremo. Acompañou o tempo: baixo o sol de febreiro os membros do Goberno conduciron a delegación catalá ata o palacio.

Pedro Sánchez agardou por Quim Torra, o último en chegar, para repetir o paseo.

E para iso o Goberno apelaba a que cadaquén dese o mellor de si mesmo.

O segundo acto celebrouse na sala Tapies. Alí apreciamos mellor os lazos amarelos nas lapelas dos visitantes ou o caderno de Josep María Jové, imputado no procés xustamente polos numerosos indicios delitivos que a Garda Civil descubriu noutra libreta semellante atopada na súa casa. Sánchez e Torra sentaron fronte a fronte, no centro dunha mesa acristalada, longa e estreita. Ao fondo, unha ventá aberta para que correse o aire. As cámaras deixaron de gravar. E comezou o importante.

Tres horas despois, as dúas partes facían balance. Primeiro cun comunicado conxunto que acordaba reunirse de novo o mes que vén.

Torra compareceu na sala que o Goberno só adoita compartir con líderes internacionais. Apoiado polos seus, deixou claro o que fora negociar. Con escaso éxito.

E é que o Goberno non cre que a chamada senda do reencontro transite por eses temas.

Así que Sánchez e os seus puxeron sobre a mesa os asuntos dos que eles querían falar, co mesmo resultado.

O derradeiro detalle: un aceno ao gran ausente por enfermidade. O vicepresidente Pablo Iglesias, responsable da axenda 2030.

 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

27/02/2020