CRTVG

Buscar

Identifican o agresor da froiteira da Coruña golpeada por vender produtos cataláns

Publicado o 31/10/2019 14:33

Na Coruña, a Policía Nacional identificou o home que agrediu hai nove días unha froiteira por vender produtos cataláns no seu negocio.

A vítima foi quen de distinguilo nunha roda de recoñecemento. Amais, ela mesma conseguira facerlle unha fotografía ao home co seu móbil e entregóullela aos axentes. Trátase dun coruñés duns 70 anos, veciño da zona do Santo Agostiño, onde aconteceron os feitos. A muller recibiu polo menos dous puñazos que lle causaron unha ferida no nariz.

O caso pasará agora ao xulgado. O home podería enfrontarse, polo menos, a un delito de lesións.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

31/10/2019